SIMBA YALAZIMISHWA SARE DHIDI YA MBEYA CITY

 

KLABU ya Simba imelazimishwa sare ya mabao 1-1 dhidi ya timu ya Mbeya City, mchezo ambao ulipigwa kwenye dimba la Sokoine Mbeya.

Katika mchezo huo Simba Sc ilianza kupata bao katika kipindi cha kwanza kupitia kwa kiungo wao Mzamiru Yasin dakika ya 16 na kuwapelaka mapumziko wakiwa wanaongoza kwa bao 1-0.

Kipindi cha pili klabu ya Mbeya City iliingia ikiwa inahitaji kusawazisha bao kwani walicheza mpira wa kushambulia bila mafanikio mpaka dakika za lala salama kupata bao la kusawazisha kupitia kwa Tariq Seif dakika ya 78.

Kwa matokeo haya Simba Sc inabaki nafasi ya Tatu katika Msimamo wa ligi Kuu ya NBC ikiwa na alama 28 ikicheza michezo 13 huku nafasi ya Pili ikishikwa na Azam Fc ikiwa na alama 29 ikicheza michezo 13 pia huku Kilele kikitawaliwa na Mabingwa wa kihistoria Young Africans ikiwa na alama 29 ikicheza michezo 11.

Kituo kinachofuata kwa Simba Sc ni dhidi ya Polisi Tanzania mchezo utakao pigwa katika Dimba la Sheikh Amri Abeid jijini Arusha Novemba 27, 2022.