SIMBA YAIFUATA MBEYA CITY LEO

 Kikosi cha Simba Sc kitaondoka leo saa tano usiku kuelekea jijini Mbeya tayari kwa mchezo wa Ligi Kuu ya NBC dhidi ya Mbeya City utakaopigwa Jumatano saa 10 jioni Uwanja wa Sokoine.

Kikosi hicho kitaondoka na wachezaji 22 kuelekea jijini Mbeya kikiwa kamili kwa mpambano huo ambao wanasema utakuwa mgumu kutokana na upinzani wanaokutana nao dhidi ya Mbeya City hasa wakiwa nyumbani.

 

Baada ya kufika Mbeya timu itafanya mazoezi ya mwisho kesho saa 10 jioni katika Uwanja wa Sokoine kujiweka tayari kwa mtanange wa Jumatano.

 

Kupitia App ya Klabu ya Simba imetoa taarifa kuhusu hali za wachezaji ambao wanasafiri kuelekea Jijini Mbeya kuwa wapo kwenye hali nzuri tayari kuipigania timu ugenini kutafuta alama tatu.