Uongozi wa Klabu ya Simba unamuunga mkono kocha Mkuu wa muda Juma Mgunda wakiridhishwa na kazi nzuri anayoifanya
Mtendaji Mkuu wa Simba Barbara Gonzalez amesema wanaridhishwa na kuimarika kwa timu chini ya Mgunda hivyo wanamuunga mkono kwa asilimia 100
"Mwalimu Mgunda anafanya vyema na ameonyesha uzoefu mkubwa alionao na sisi tupo nyuma yake, mpaka sasa hatuna shaka na uwezo wake," alisema Barbara
Mgunda amepewa jukumu la kuiongoza Simba katika michezo miwili muhimu ya ligi ya Mabingwa dhidi ya Primeiro De Agosto akianzia ugenini siku ya jumapili
Kama ataipeleka Simba hatua ya Makundi na pia akipata ushindi katika mchezo wa ligi ya NBC Dabi ya Kariakoo dhidi ya Yanga Octoba 23, ni dhahiri Mgunda atakabidhiwa rasmi majukumu ya kuwa kocha wa kudumu.