LUIS SUAREZ ASAINI MKATABA MPYA LIVERPOOL, COLE KUENDELEA KUKALIA BENCHI

NYOTA wa Liverpool, Luis Suarez, amesaini Mkataba mpya wa Miaka Minne na Nusu na Liverpool, huko Craven Cottage zipo taarifa Straika wao wa zamani, Clint Dempsey, kurudi tena Fulham kwa Mkopo na huko Stamford Bridge, Jose Mourinho, amesisitiza sasa Ashley Cole ni Benchi tu.SUAREZ ASAINI MPYA LIVERPOOL

Luis Suarez, Mwenye Miaka 26, na ambae alijiunga na Liverpool Januari 2011, amesaini Mkataba mpya na Klabu yake wa Miaka Minne na Nusu.

Suarez, ambae Msimu huu amefunga Bao 17 katika Mechi 11 za Ligi Kuu England, alikuwa na Mkataba ambao ulitarajiwa kumalizika Mwaka 2016 lakini kwenye huu wa sasa atakuwa akilipwa Pauni 160,000 kwa Wiki hadi mwishoni mwa Msimu na Msimu ujao kulipwa £200,000 kwa Wiki hadi mwisho wa Mkataba wake.

Kusaini kwa Mkataba huu mpya ni kubadilika kwa uhusiano kati ya Suarez na uongozi wa Liverpool kwani Mchezaji huyo alikuwa akishinikiza kuhama mwanzoni mwa Msimu ili ajiunge Arsenal.

Arsenal ilitoa Ofa mbili kumnunua ikiwemo ile ya Rekodi ya Pauni Milioni 40,000,001 ili kulazimisha Suarez ahamie kwao lakini zote hizo ziligomewa na Liverpool.

Baada sakata hilo, Suarez alilazimika kufanya Mazoezi peke yake na baadae kurudishwa kwenye Timu yake ya Kwanza.

Katika muda wake na Liverpool, Suarez amekumbana na Vifungo viwili virefu pale Desemba 2011 alipofungiwa Mechi 8 kwa kumkashifu Kibaguzi Beki wa Manchester United, Patrice Evra, na Aprili Mwaka huu kufungiwa Mechi 10 kwa kumng’ata Beki wa Chelsea Branislav Ivanovic.

CLINT DEMPSEY: FULHAM KUMSAINI TENA!Fowadi wa USA, Clint Dempsey, anatarajiwa kupimwa afya yake Klabuni Fulham ili arejee tenakuchezea Klabuni hapo kwa Mkopo akitokea Seattle Sounders ya USA.

Dempsey, Miaka 30, aliihama Fulham na kujiunga na Tottenham kwa Dau la Pauni Milioni 6 Mwaka 2012 na kisha kuhamia Seattle Sounders Mwezi Agosti Mwaka huu.

Mkopo huu utamsaidia Dempsey kuendelea kucheza hadi Msimu mpya wa MLS, Major League Soccer, utakapoanza tena Machi 8.

Uhamisho huu unatarajiwa kuanza mara tu Dirisha la Uhamisho litakapofunguka Januari 1 na Bosi wa Fulham, Rene Meulensteen, ameupokea kwa furaha.

Dempsey alidumu na Fulham kwa Miaka Mitano na Nusu na kuichezea Mechi 184 na kufunga Bao 50.

COLE KUENDELEA KUSOTA BENCHI CHELSEA IKICHEZA NA ARSENALMeneja wa Chelsea Jose Mourinho amekataa kumlaumu Ashley Cole kwa kuhudhuria Pati ya Krismasi ya Arsenal lakini amethibitisha Beki huyo hana Namba wakati Chelsea itakapokwenda Emirates kucheza na Arsenal Jumatatu kwenye Mechi ya Ligi Kuu England.

Cole, Miaka 33, alipigwa Picha akiwa kwenye Pati ya Arsenal Jumatano ikiwa ni Siku moja tu tokea Chelsea ifungwe na Sunderland na kutupwa nje ya Capital One Cup.

Mourinho amesema: “Naweka maoni yangu kwangu mwenyewe-ilikuwa ni Siku ya Ofu kwa Wachezaji. Mimi sio Baba, ni Meneja.”

Aliongeza: “Tangu mwanzo, Ashley alikuwa hachezi. Lakini leo ni Ijumaa, Gemu ipo Jumatatu. Kunaweza kutokea kitu. Ila nishaamua Branislav Ivanovic ni Fulbeki wa Kulia, nitamchezesha Cesar Azpilicueta Fulbeki kushoto, nitamchezesha John Terry na inabidi niamue kati ya Gary Cahill na David Luiz.”

Cole, ambae ni Mchezaji wa Kimataifa wa England, alicheza Siku ya Jumanne wakati Chelsea inafungwa 2-1 na Sunderland na kutupwa nje ya Capital One Cup lakini katika Wiki za hivi karibuni Namba yake imechukuliwa na Cesar Azpilicueta na hajacheza kwenye Ligi tangu Chelsea ifungwe 2-0 na Newcastle hapo Novemba 2.

CREDIT TO SOKA IN BONGO