MAN UNITED YAWATWANGA MABINGWA LEICESTER, POGBA AFUNGUA AKAUNTI YA MAGOLI!

MANCHESTER UNITED Leo wakiwa kwao Old Trafford wamewatandika Mabingwa wa England Leicester City kwenye Mechi ya EPL, Ligi Kuu England, ambayo Kepteni wao Wayne Rooney alianzia Benchi.

Man United waliandika Bao la Kwanza Dakika ya 22 kupitia Chris Smalling na kisha ndani ya Dakika 5, katika Dakika za 37, 40 na 42, Juan Mata, Marcus Rashford na Paul Pogba walipiga Bao huku Pogba akifungua akauti yake ya Magoli kwenye EPL.

Hadi Mapumziko, Man United 4 - 0 Leicester.

Kipindi cha Pili, Leicester waliwatoa Masta wao Jamie Vardy na Riyad Mahrez na kuwaingiza Demaray Gray na Andy King na kupata Bao lao pekee kupitia Gray katika Dakika ya 59.

VIKOSI:Manchester United (Mfumo 4-2-3-1): De Gea; Valencia, Bailly, Smalling, Blind; Herrera, Pogba; Lingard [Carrick, 78’], Mata [Young, 87’], Rashford [Rooney, 83’], Ibrahimovic.
Substitutes: Romero, Rojo, Fosu-Mensah, Carrick, Fellaini, Young, Rooney.

Leicester City (Mfumo 4-4-2): Zieler; Simpson, Morgan, Huth, Fuchs; Mahrez [Andy King, 46’], Drinkwater, Amartey, Albrighton [Schlupp, 62’]; Slimani, Vardy [Demaray Gray, 46’].
Substitutes: Hernández, King, Hamer, Schlupp, Okazaki, Gray, Ulloa.

REFA: Mike Dean