FLETCHER ANENA KUWA ‘HATUNA MCHECHETO NA CHELSEA!’, ANDERSON KUONDOKA OT…

KIUNGO wa Manchester United, Darren Fletcher, amesema Timu yao hainachochote cha kuogopa kwa tripu ya Jumapili huko Stamford Bridge kuivaa Chelsea kwenye Mechi ya Ligi Kuu England.Man United watatua Stamford Bridge wakiwa wametoka kwenye vichapo vitatu mfululizo tangu Mwaka mpya uanze na kisha kuichapa Swansea City Uwanjani Old Trafford katika Mechi yao ya mwisho ya Ligi.

Tofauti na wao, Chelsea wanapaa katika mbio za Ubingwa Msimu huu wakiwa wamekusanya Pointi 25 kati ya 30 katika Mechi zao 10 za mwisho za Ligi.

Muhimu zaidi kwa Chelsea ni ile Rekodi ya Jose Mourinho ya kutofungwa Uwanjani Stamford Bridge kwenye Ligi katika himaya zake zote mbili akiwa na Chelsea, ile ya Mwaka 2004 hadi 2007, na hii ya mara ya Pili.

Hata hivyo, Darren Fletcher, baada kurudi kwa kishindo Uwanjani kufuatia kupona kwake ugonjwa wa Tumbo uliomweka nje Mwaka mzima, amesisitiza Timu yao haina mchecheto na Mechi hiyo.

Ametamka: “Hapana, hata kidogo, sisi tunatarajiwa kushinda kila Mechi na haijali ni Swansea Nyumbani au Chelsea Ugenini. Ni maafa tusiposhinda!”

WAKATI HUO HUO, zipo taarifa kuwa Kiungo wa Man United kutoka Brazil, Anderson, yupo njiani kwenda Italy kupimwa afya na Klabu ya Fiorentina ili kuhamia huko ingawa pia inadaiwa ni kwa Mkopo.Anderson amedumu Old Trafford kwa Miaka 6 na Nusu na kucheza karibu Mechi 100 za Ligi.

Kuondoka huku kwa Anderson ni dalili kuwa David Moyes anakaribia kumsaini Kiungo mwingine ingawa hamna uthibitisho wowote.

RATIBA: LIGI KUU ENGLAND

Jumamosi Januari 18		Jumapili Januari 19
SAA	TIMU ZINAZOCHEZA	SAA	TIMU ZINAZOCHEZA
1545	Sunderland v Southampton	1630	Swansea v Tottenham
1800	Arsenal v Fulham	1900	Chelsea v Man United
1800	Crystal Palace v Stoke
1800	Man City v Cardiff	Jumatatu Januari 20
1800	Norwich v Hull	SAA	TIMU ZINAZOCHEZA
1800	West Ham v Newcastle	2300	West Brom v Everton
2030	Liverpool v Aston Villa
Jumanne Januari 28		Jumatano Januari 29
SAA	TIMU ZINAZOCHEZA	SAA	TIMU ZINAZOCHEZA
2245	Man Utd v Cardiff	2245	Aston Villa v West Brom
2245	Norwich v Newcastle	2245	Chelsea v West Ham
2245	Southampton v Arsenal	2245	Sunderland v Stoke
2245	Swansea v Fulham	2245	Tottenham v Man City
2300	Crystal Palace v Hull
2300	Liverpool v Everton

MSIMAMO:

NA	TIMU	P	GD	PTS
1	Arsenal	21	22	48
2	Man City	21	36	47
3	Chelsea	21	21	46
4	Liverpool	21	25	42
5	Everton	21	15	41
6	Tottenham	21	1	40
7	Man United	21	11	37
8	Newcastle	21	2	33
9	Southampton	21	4	30
10	Hull	21	-5	23
11	Aston Villa	21	-7	23
12	Stoke	21	-13	22
13	Swansea	21	-4	21
14	West Brom	21	-5	21
15	Norwich	21	-18	20
16	Fulham	21	-24	19
17	West Ham	21	-10	18
18	Cardiff	21	-18	18
19	Sunderland	21	-15	17
20	Crystal Palace	21	-18	17