SPURS YAPAMBANA ILI BALE ASIONDOKE...SASA YAMTIA KWENYE MABANGO YA PROMOSHENI YA KLABU

Hapa kwa sasa: Gareth Bale (kushoto) akiwa na wachezaji wenzake, Kyle Walker, Jan Vertonghen na Hugo Lloris

MASHABIKI wa Tottenham wamepewa ahueni juu ya mustakabali wa Gareth Bale kama ataendelea kuitumikia klabu yao msimu ujao, baada ya mshambuliaji huyo nyota kutimika katika picha za mabango ya promosheni ya klabu kwa msimu ujao wa 2013/14.

Na kulikuwa kuna habari nzuri zaidi, wakati Rais wa Real Madrid, Florentino Perez aliposema dili la kumhamishia Hispania 'mchawi' huyo wa Wales bado bichi kabisa.

"Ni mchezaji mkubwa ambaye ni mali ya klabu ambayo tuna uhusiano nayo mzuri, lakini hatujatoa ofa yoyote," alisema.

Bale amerejea kwenye mazoezi ya kujiandaa na msimu mpya Spurs leo na klabu imeonyesha dhamira yake ya kubaki na mchezaji huyo aliyefunga mabao 26 msimu uliopita kwa kumtumia katika matangazo ya jezi mpya.