WAJANJA WA JIJI LA DAR WA BANWA NA KARIAKO FC YA LINDI

Wachezaji wa timu ya Kariakoo Fc wakiingia chumba cha wachezaji uwanja wa ilulu. Picha na Maktaba.

Timu toka Sinza kwa wajanja Abajalo FC leo wamebanwa na vijana toka Lindi Kariakoo FC, mchezo uliochezwa katika uwanja wa Karume jijini Dar es salaam.
Abajalo na Kariako ya Lindi leo walikutana katika hatua ya pili ya klabu bingwa wa mikoa, ambapo michezo ya awali ya hatua hiyo ilichezwa katika viwanja mbalimbali nchini Tanzania.
Katika mchezo uliochezwa katika uwanja wa Karume Bajalo walikwenda mapumziko wakiwa mbele kwa goli mbili bila, ambayo yalirejeshwa na Kariako fc ya Lindi katika kipindi cha pili na kupelekea mchezo kuisha kwa sare ya goli 2-2.
Mchezo mwingine wa klabu bingwa Mikoa "RCL" ulishuhudia wenyeji wengine Njombe Mji wakishindwa kutoka na point zote tatu baada ya kubali kufungwa goli 1-0 na Kimondo SC ya Mbeya.
Saigoni FC ya Kigoma iliondoa aibu ya wenyeji kushindwa kutoka na ushindi baada ya kutoka nyuma ya goli 2-1 na kuibuka na ushindi wa goli 3-2 vmbele ya Katavi FC.