BAADA ya kuona matunda ya filamu yake ya ‘Love Me Or Love Me Not’, msani Rose Ndauka, ameuambia mtandao huu, kuwa tayari ameshakamilisha vitu kibao vipya lakini zinazokuja soon ni ‘Upofu’ na ‘Special cover’ ambazo atacheza kama muhusika mkuu.Ndauka kwa sasa amejikita zaidi kwenye kazi kwani malengo yake ni kufanya filamu zenye ubora, na anaamini akijihusisha kwenye mambo mengine anaweza kupoteza muelekeo wake katika kutimiza ndoto zake.
Msanii huyo alisema kuwa filamu hizo zmechezwa katika kiwango cha juu hivyo anaamini zitauza na itaweza kumlipa kwa kiasi kikubwa kwani bajeti ya kazi hizo ambayo ni kubwa kiasi kwamba hata kuitaja ameshindwa.
“Filamu zote nimetumia gharama kubwa lakini naamini zitafanya vyema kwa sababu mara zote kazi ambazo nimekuwa nikitoa si mchezo, hivyo nawaomba watanzania wenzangu wanipe sapoti,” alisema.
Hata hivyo aliongeza kwa kusema kuwa watanzania wanapenda sana kutazama filamu za kibongo lakini kitu kinachowaudhi ni kutokana na tabia za baadhi ya wasanii kutoa filamu zisizo na ubora ule unaotakiwa.
