Mwanamitindo na mjasiriamali maarufu wa Tanzania, Hamisa Mobetto, amemtumia ujumbe wa upendo mume wake, Azizi Ki, akimtakia heri ya kuzaliwa kupitia ukurasa wake wa Instagram.
Kwa maneno ya kugusa moyo, Hamisa alimwambia mumewe jinsi anavyomthamini na kumpenda kwa dhati.
“Mpenzi wangu, nakupenda kupita maelezo. Ingawa nimesema mara nyingi, nataka ujue kwamba kila ninaposema, ninamaanisha kwa moyo wangu wote.”
Aliendelea kwa kueleza jinsi Azizi alivyoingia katika maisha yake kwa wakati mwafaka, akimuelezea kama zawadi ya kipekee kutoka kwa Mungu:
“Uliingia katika maisha yangu kwa wakati mzuri kabisa—wakati nilipokuhitaji zaidi. Mungu, kwa hekima yake isiyo na mipaka, alijua kile ambacho roho yangu ilikuwa ikitamani, na akanibariki kwa kukuletea wewe. Wakati mwingine, nahisi kama nilizaliwa kwa ajili yako tu—kukupenda, kukuthamini, na kutembea safari hii ya maisha nikiwa kando yako.”
Hamisa pia alionyesha shukrani zake kwa kuwa na mume wake maishani mwake, huku akimhakikishia kuwa yeye ni mmoja wa watu wanaomuombea kwa dhati:
“Nakushukuru kila siku kwa uwepo wako maishani mwangu. Na leo, katika siku hii maalum, nataka ujue kwamba kama kuna watu wanaokuombea duniani, mimi bila shaka nipo kati ya waombaji wako wakubwa. Naomba furaha yako, mafanikio yako, ulinzi wako, na kwamba kila tamanio la moyo wako litimie.”
Kumalizia ujumbe wake wa kimahaba, Hamisa alielezea mapenzi yake kwa Azizi kama upendo wa kipekee, wa dhati na usio na kifani:
“Kuna mapenzi, halafu kuna mapenzi yako, mume wangu 🥰. Upendo safi, wa kipekee, uliochongwa ndani kabisa ya roho yangu.”
“Nakupenda bila kipimo, mpenzi wangu. Leo na milele. ❤️ @aziz.ki.10 ❤️” amesema Hamisa Mobetto
