VPL : YANGA SC YAISHUSHA SIMBA KILELENI, TAZAMA VIDEO YA MAGOLI YOTE

MABINGWA wa Soka Tanzania Bara Yanga SC leo wameonyesha ubabe wao katika soka kwa kuwatandika maafande wa Ruvu JKT mabao 3 - 0, na kuwapindua mahasimu wao Simba SC katika kuongoza ligi kuu Tanzania Bara msimu huu.

Katika mechi iliyochezwa leo uwanja wa Uhuru jijini Dar es salaam, goli la kwanza lilitandikwa na Deus Kaseke katika dakika ya 38, huku Saimon Msuva akitandika bao la pili na la tatu katika dakika ya 38 na dakika ya 90 kwenye lala salama.

Katika mechi hiyo Haruna Niyonzima ameibuka nyota ya mchezo baada ya kuyatengeneza magoli yote yaliyopachikwa na wana Jangwani, na kuipa Ynaga nafasi kubwa ya kuongoza ligi, kwa kufikia point 36 kwa michezo 16 dhidi ya mtani wake wa jadi Simba, ambaye ana pointi 35 kwa michezo 15.

Wakati huo huo huko 'green city' Mbeya katika uwanja wa Sokoine, watoto wa mji huo Mbeya City walishuka dimbani na wakulima wa sukari Kagera Sugar, na kutoana nunge kila mmoja.

Huko Shinyanga ambako Mwadui Fc alifanikiwa kumpiga 1 -0 Toto Africans katika dimba la Mwadui Complex, huku Ruvu shooting na Mtibwa wakitoka 1-1, katika mechi iliyochezwa katika uwanja wa Mabatini Mlandizi mkoani Pwani. 

Hapo Kesho Simba watashuka dimba la Nangwanda sijaona Mtwara kumenyana na Ndanda FC, wakati Mbao FC watamenyana na Stand United uwanja wa CCM Kirumba, Mwanza, African Lyon na Azam uwanja wa Uhuru, Dar es Salaam na Prisons atacheza dhidi ya Maji Maji uwanja wa Sokoine, Mbeya.