ALICHOKISEMA MSANII MOE MUSIC BAADA YA KUWEKWA KWENYE CATEGORY ISIYO SAHIHI KWA MAHADHI YA WIMBO WAKE, HICHI HAPA

Msanii Moe Music katika Pozi

Mtandao wa Times fm Umepiga story na Moe Music ili kufahamu jinsi alivyoupokea waraka wa Diamond Platnumz, lakini pia mtazamo wake kuhusu tuzo za Kilimanjaro mwaka huu.
Mkali huyo wa Hit single ya “basi nenda” amefunguka kuwa, ameumizwa na ameshangazwa sana na kilichotokea kwa sababu yeye alistahili kuwepo kwenye kwenye msanii bora chipukizi na wimbo bora wa mwaka “basi nenda”.

“Kwanza mimi sikuiona ile, kuna mtu tu ali screenshot na baadae nikaona Ney wa Mitego, Wolper, Kipindi cha Mseto Kenya wamerepost ile post ya Diamond
Unajua mimi sikutaka kuongea ,nilitaka mashabiki na watu waseme iliyokweli kwa sababu waandaaji wa tuzo wame cheat(wamedanganya) wazi wazi na watu wameona, na watanzania sasa hivi wameamka wanajua
Na nikaona tu picha eti nimetuma muwakilishi hapana si kweli sikumtuma mtu yeyote Yule ila nawashukuru BASATA na Kilimanjaro kwa hili na mashabiki kwa kufunguka ukweli wa mambo” alisema Moe Music.

Katika line nyingine Moe ameshangazwa na BASATA kuuweka wimbo wa “basi nenda” kama wimbo unaoshindania wimbo bora wa Zouk rhumba, kwa kuwa wimbo wake hauna mahadhi hayo na watanzania hawajui huu mziki wa Zouk Rhumba.

“Yaani ati nimeshangazwa tena unajua bro mtaani hawajui hii zouk sijui, na mziki wangu si huu hata hiki kipengele pia wamecheat hapa, tuliandika barua yakutokushiriki lakini hawakutuzingatia” alimaliza Moe.