MONALISA ASISITIZA KUWA HAWEZI KURUDIANA NA TYSON

KAMA ulikuwa unawaza kuwa kapo ya George Tyson, dairekta wa filamu za Kibongo na mwigizaji Yvon Cherry ‘Monalisa’ inaweza kurudiwa na uhai tena, unajidanganya na hapa Monalisa anafunguka: “Kamwe haitatokea.Yaliyopita yamepita, siwezi kuwa na uhusiano naye tena, kila mtu na maisha yake.”

Mwigizaji Yvon Cherry ‘Monalisa’.

Paparazi wa Stori Mix alipomwuliza kuhusu ukaribu wao, hasa hivi karibuni walipoonekana klozi kwenye sherehe ya Kipairama ya binti yao, alijibu: “Jamani utamnunia mzazi mwenzako? Tumebaki kuwa marafiki tu, lakini kumbuka mtoto ametuunganisha hivyo ukaribu wetu hauna maana ya mapenzi tena.

“Kumbuka yeye sasa hivi kuna mtu anaishi naye na mimi nina mambo yangu – kifupi kila mtu yupo kivyake. Kama watu wanafikiria hilo, aisee waache kujidanganya.”