KARIAKOO FC YAENDELEZA UBABE KATIKA LIGI DARAJA LA TATU, YAITUNGUA CAPTOWN 1 - 0

Ligi daraja la Tatu ngazi ya Mkoa, Mkoani Lindi imeendelea leo hii kwa kuzikutanisha Timu mbili, Kariakoo Fc na CapTown .
Katika Michezo ya awali Kariakoo Fc iliweza kuifunga Kilwa Stars Mabao 3 – 0 na kujikusanyia point tatu na kuwa timu ya pili katika Msimamo wa ligi hiyo kabla ya mechi ya leo hii.
CapTown nao wako katika hali mbaya kwa kukubali kufungwa mechi ya kwanza na timu ya Kusini Soccer ambayo ndio kinara wa Ligi hiyo kwa kuwa na Magoli mengi kwani walijikusanyia magoli hayo kwa kuifunga CapTown magoli 4 – 0 katika mechi yao ya Fungua Dimba.
Mtanange wa leo ulikuwa ni mkali kwa sababu Timu ya CapTown ilidhamiria kupata point tatu ili kujiweka vizuri katika kuwania nafasi ya Kufuzu lakini Hali imekuwa Tofauti kwani wamekubali Kichapo Cha Goli 1 – 0 dhidi ya Kariakoo FC ambayo kwa sasa ndio kinara wa ligi hiyo kwa kuwa na Point  6 na magoli 4 huku Kusini Soccer ikishuswa kwenye usukani kwa kuwa na Point 3 na magoli 4 huku akiwa na mchezo mmoja nyuma ya Kariakoo Fc.
Ili iweze kusonga Mbele Timu ya CapTown inabidi washinde michezo iliyobaki na huku wakiombea Timu za Kusini Soccer kupoteza mchezo wake dhidi ya Kilwa Stars na dhidi ya Kariakoo Fc.
Mchezo wa Kesho unatarajia kuwa Mgumu pia kwani Kilwa Stars wanaingia Uwanjani huku wakiwa hawana Point wala goli hata moja hivyo kutawafanya kutafuta Point Tatu muhimu kwa udi na uvumba ili kurejesha matumaini yaliyopotea ya kusonga mbele katika Michuano hiyo.
Kumbuka Mechi ya kesho itawajia LIVE kupitia Page yetu ya Facebook Hivyo Kama huja Like page yetu Huu ni muda muafaka ili usipitwe na UPDATES ZA RIPORTER WETU. Bofya Hapa