VPL: AZAM FC, MBEYA CITY ZAPANDA, YANGA YASHUKA NAFASI YA PILI HADI YA NNE!

VPL, Ligi Kuu Vodacom, imeendelea leo kwa Mechi 4 na ushindi kwa Azam FC na Mbeya City zimeifanya Timu hizo ziivute chini Yanga kutoka Nafasi ya Pili ingawa Yanga imecheza Mechi moja pungufu huku Simba wakiendelea kubaki kileleni.

MATOKEO:

Jumapili Oktoba 13

Ruvu Shooting 1 Rhino Rangers 0

Mgambo JKT 0 Mbeya City 1

Azam FC 3 JKT Ruvu 0

Mtibwa Sugar 5 JKT Oljoro 2

Azam FC, wakicheza kwao Azam Complex, kwenye Viunga vya Jiji la Dar es Salaam, waliichapa JKT Ruvu Bao 3-0 kwa Bao za John Bocco, Dakika ya 12, Erasto Nyoni Dakika ya 39 na Salum Abubakar  Dakika ya 90.
Huko Mabatini,  Mlandizi, Mkoani Pwani, Elias Maguri aliipa ushindi Ruvu Shooting kwa kufunga Bao pekee la Mechi hiyo katika Dakika ya 77 walipocheza na Rhino Rangers ya Tabora.
Nayo Mbeya City, ikicheza huko Mkwakwani Tanga, iliitungua Mgambo JKT Bao 1-0 kwa Bao la Jeremiah John.
Huko Manungu, Morogoro, Mtibwa Sugar iliitandika JKT Oljoro Bao 5-2 huku Mchezaji wao Abdallah Juma akipiga Hetitriki na Bao nyingine kutumbukizwa na Juma Luizio wakati Bao za JKT Oljoro kuingizwa na Shaibu Nayopa na Amir Omar.
RATIBA:

Jumatano Oktoba 16

Ashanti United v Tanzania Prisons

Jumamosi Oktoba 19

Kagera Sugar v Coastal Union

JKT Oljoro v Azam FC

Mtibwa Sugar v Mgambo JKT

Mbeya City v JKT Ruvu

Ashanti United v Ruvu Shooting

Jumapili Oktoba 20

Simba v Yanga

VPL-MSIMAMO:

NA	TIMU	P	W	D	L	GD	GF	POINTI
1	Simba SC	8	5	3	0	12	17	18
2	Azam FC	9	4	5	0	8	14	17
3	Mbeya City	9	4	5	0	5	12	17
4	Yanga SC	8	4	3	1	7	15	15
5	Ruvu Shooting	9	4	2	3	3	10	14
6	Mtibwa Sugar	9	3	4	2	1	10	13
7	JKT Ruvu	9	4	0	5	0	9	12
8	Coastal Union	8	2	5	1	2	7	11
9	Kagera Sugar	8	3	2	3	1	8	11
10	Rhino Rangers	9	1	4	4	-4	8	7
11	Prisons FC	8	1	4	3	-4	4	7
12	JKT Oljoro	9	1	3	5	-6	8	6
13	Ashanti United	8	1	2	5	-10	6	5
14	Mgambo JKT	9	1	2	6	-16	2	5

SOURCE: SOKA IN BONGO