WILFRIED ZAHA ATINGA AIRPORT NA VAZI LA DISCO, IKAMBIDI ABADILISHE HARAKA VAZI HILO.

MSHAMBULIAJi mpya wa Manchester United, Wilfried Zaha alikuwa kituko wakati timu hiyo inaondoka Uwanja wa Ndege kwa ziara yake ya Mashariki mbali kujiandaa na msimu mpya.

Wakati wacehzaji wenzake wote walifika Uwanja wa Ndege wakiwa wamevaa suti za klabu na tai, Zaha, ambaye amejiunga na timu hiyo akitokea Crystal Palace, lazima atakuwa hakupata ujumbe kuhusu vazi.

Kivyake: Mchezaji mpya wa Manchester United, Wilfried Zaha alikuwa mchezaji pekee aliyewasili amevaa kivyakeVazi la disko: Zaha alipiga T-shirt, jinzi na rabaWinga huyo wa England aliteremka katika gari lake akiwa amevaa fulana nyeupe na jinzi na raba, akisema amepoteza nguo zake za zamani.

Alilazimika kuomba walinzi wa United kumpatia suti nyingine na kisha akabadilisha pale pale Uwanja wa ndege kabla ya kukwea pipa.

Zaha ni sehemu ya msafara wa watu 198, wakiwemo makocha, wachezaji na viongozi waliosafiri kwenda Bangkok  kwa ajili ya mechi ya kwanza kati ya tano za ziara ya Asia na Australia.

Alibadili haraka: Zaha alionekana vizuri na mweney furaha baada ya kuvaa suti

Wachezaji waliwasili saa 1:00 usiku ikiwa ni saa mbili kabla ya ndege kuondoka.

Miongoni mwa wachezaji walioondoka ni Wayne Rooney, ambaye amekuwa akihusishwa kwa kiasi kikubwa kuondoka Old Trafford majira haya ya joto, kuhamia kwa wapinzani wa Ligi Kuu England, Chelsea.

Kwa sasa anabakiwa kuwa mchezaji wa United na anatarajiwa kuwamo katika kikosi kitakachocheza mechi ya kwanza dhidi ya Singha All Star XI mjini Bangkok Jumamosi.

Kocha David Moyes amesema katika mahojiano na Radio mapema Jumatano ya leo kwamba alikuwa ana vikao vinne na mchezaji na amemuahidi atabaki.

Kwenye ndege: Wayne Rooney (kushoto) na Moyes kulia safarini leoMakocha: Ryan Giggs na Phil Neville kulia

Watanashati: Rio Ferdinand (kushoto) na Patrice Evra kulia Wako poa: Kutoka kushoto, Fabio da Silva, Alexander Buttner, Danny Welbeck, Phil Jones na Rafael da SilvaDaraja la kwanza: Kutoka kushoto, Fabio da Silva, Buttner, Welbeck na Jones

RATIBA YA ZIARA YA MAN UTD KUJIANDAA NA MSIMU

Julai 13 na Singha All Star XI (Uwanja wa Rajamangala, Bangkok - Kombe la miaka 80 ya Singha) saa 8:00 mchana
Julai 20 na kombaini ya A-League (All Stars) (Uwanja wa ANZ, Sydney) saa 4:30 asubuhi
Julai 23 na Yokohama F-Marinos (Uwanja wa Nissan, Yokohama) saa 5:20 asubuhi
Julai 26 na Cerezo Osaka (Uwanja wa Osaka Nagai, Osaka) saa 5:01 asubuhi
Julai 29 na Kitchee (Uwanja wa Hong Kong, Hong Kong) saa 7:00 mchana