LADY JAYDEE APIGWA STOP NA MAHAKAMA

ZIKIWA zimebaki siku saba kabla ya kesi ya Msanii wa muziki wa Kizazi Kipya Judith Wabura (Lady Jaydee) aliyofunguliwa na wakurugenzi wa Clouds Media Group Ruge Mutahaba na Joseph Kusaga kuanza kusikilizwa katika Mahakama ya Hakimu Mkazi Kinondoni,

Mahakama hiyo imemtaka Lady Jaydee asizungumzie swala hilo.

Mahakama hiyo imefikia hatua hiyo kwa kuwa kesi ya msingi inayomkabili nyota huyo wa muziki wa kizazi kipya Tanzania kuacha mpango wake kwa sasa mpaka kesi hiyo inayotarajia kuanza kusikilizwa Mei 27 mwaka huu itakapo malizika.

Taarifa za Lady Jaydee kupigwa stop na Mahakama hiyo zimenaswa na habarimpya kutoka kwa washirika wakaribu wa Mwanadada huyo anayetamba hivi sasa na wimbo wake wa Joto Hasira.

Mbali na wadaku hao kuihabarisha Habarimpya.com, nyota huyo wa muziki nchini Tanzania pia aliandika katika ukurasa wake wa facebook akisema kwamba "Nadhani baada ya hii, maswali yatapungua kama sio kuisha kabisa..."alisema Lay jaydee na kuongeza:

"Nafahamu kila mtu anasoma kwa wakati wake pengine hamkuona sababu nilizoelezea kwanini sijatoa waraka mwingine tarehe 15 kama nilivyo ahidi, sababu ni kuwa mahakama imesema nisizungumzie hilo suala kwa sasa, ambapo kesi bado iko mahakamani...mpaka nitakapopewa ruhusa ya kuzungumza au kutozungumza tena"alisema Lady Jaydee katika ukurasa wake wa Facebook.

source--habari mpya