BREAKING NEWS:
Bi Kidude amefariki dunia mapema leo mjini Zanzibar. mara kadhaa Bi kidude, ambaye amejipatia sifa na umaarufu ndani na nje ya nchi, amekuwa akizushiwa kifo kutokana na kuuguawa muda mrefu....
Mwili wa Bi Kidude utahamishiwa kwake Rahaleo na mazishi yatakuwa kesho.
Bi
Kidude alizaliwa katika kijiji cha Mfagimaringo, alikuwa binti wa
mchuuzi wa nazi, hakuna anayejua haswa Bibi huyu alizaliwa tarehe ngapi,
kuna hata mawazo kuwa alikwishafikisha miaka 102.
Katika
mwaka 1920 tayari alikuwa amekwisha anza kuimba katika vikundi vya
sanaa kule kwao, mwaka 1930 alijiunga na Egyptian Musical Club ya Dar es
Salaam na kuzunguka miji mingi ya Tanganyika wakati ule , mwaka 1940
alirudi Zanzibar ambako awali alikuwa amekimbia kwa kuwa aliozwa kwa
nguvu na mtu aliyemzidi sana umri.
Bi
Kidude pia liwahi kuimba na Sitti Binti Sadi wakati wa ujana wake, na
katika maisha yake Bi Kidude amekwisha zunguka mabara yote akiimba
katika majukwaa na wanamuziki maarufu ulimwenguni
Timu nzima ya Blog ya LINDI YETU ina toa
pole kwa familia, ndugu jamaa na marfiki na TAIFA kwa kufikwa na msiba
huu
AMESHAZUSHIWA KIFO MARA KADHAA...
Usiku wa kuamkia October 26, 2011
ujumbe ulisambazwa kwenye mitandao ya simu za mkononi na mitandao ya
kijamii, Facebook na Twitter kuwa Bi Kidude amefariki dunia! Moja ya SMS
hiyo ilisomeka: Qaallu Inna Lillahi Wainna Ilaihi Raajiuni; BI KIDUDE
AMEFARIKI DUNIA! Habari ambazo zimekanushwa vikali na mwenyewe siku hiyo
asubuhi. Kudhidirisha kweli hajafa, Bi. Kidude aliongea moja kwa moja
na Radio One na kumwambia mtangazaji aliyetaka kujua ukweli wa habari
hizo kwa kumjibu: "Maiti haiongei, mimi ndiye Bi Kidude, mzimaaa!" HII
NI TABIA AMBAYO INAKUWA KWA KAZI YA KUZUSHIA WATU VIFO KWA KUTUMIA
MITANDAO YA SIMU NA KIJAMII
MAISHA ALIYOISHI BI KIDUDE ENZI ZA UHAI WAKE
Maskini Bi Kidude! Ndiyo kauli pekee inayoweza kukuponyoka kinywani
ukimtembelea Mwanamuziki mkongwe wa Taarab Bongo, Fatuma Binti Baraka
‘Bi Kidude’, Risasi Mchanganyiko limemshuhudia. Maisha ya mkongwe huyo aliyeanza muziki mwaka 1920 akiwa na miaka 13, yanasikitisha (hohehahe) kutokana na kutokuwa na hadhi ya jina lake linalotambulika ndani na nje ya Bongo.
The 5 Star Paper, Risasi Mchanganyiko, mwishoni mwa wiki iliyopita lilitia maguu nyumbani kwake maeneo ya Raha Leo, Zanzibar na kushuhudia maisha magumu anayoishi staa huyo ambaye kwa sasa anakadiriwa kuwa na miaka 104.
Kwa mujibu wa Bi Kidude aliyezaliwa maeneo ya Mferejimaringo, Zanzibar, nyumba anayoishi imezeeka na haijamalizika kujengwa na hata kupakwa rangi kiasi ambacho mvua ikinyesha lazima alowe kama hataweza kukimbilia upande mwingine kutokana na kukosa kipato cha kuikamilisha.
Katika mahojiano yake na mwandishi wetu, staa huyo alifanya kazi ya kujitolea ya muziki kwa zaidi ya miaka 90 alisema, hakuna mtu asiyejua maisha magumu anayoishi kwani hata Rais wa Jamhuri ya Muungano wa Tanzania, Jakaya Mrisho Kikwete anamfahamu vilivyo hivyo hana haja ya kujieleza zaidi kwa kuwa kila kitu kinaonekana kwa macho yasiyohitaji miwani.
Mkongwe huyo ambaye ni nembo halisi ya utamaduni wa Mtanzania alisema:
“Siwezi kusema chochote juu ya maisha yangu mabaya kwani nitawaliza watu.
“Mtu yeyote ayatazame maisha yangu aone anachoweza kunifanyia kwani niliweza kuitangaza Jamhuri (Tanzania) vyema kwa maana hakuna nchi ambayo sijawahi kuitembelea kwa ajili ya kueneza utamaduni wetu.”
BAADHI YA SHOW ALIZOWAHI KUFANYA JIJINI DAR ES SALAAM. HII ILIKUWA June 30, 2012
Shabiki akimtunza Bi Kidude
Mashabiki wakipozi juu ya jukwaa ili kupiga picha na Bi Kidude.
Bi Kidude akionyesha umahili wake wa kucheza.
Hii ilikuwa usiku wa june 30 2011 katika ukumbi wa Equator uliopo
Mtoni kwa Azizi Ally ambapo kulifanyika onyesho la taarab, wanamuziki
mbalimbali wa taarabu waliudhuria akiwemo mwanamuziki mwalikwa toka
Zanzibar Bi Kidude.Baadhi ya bendi ambazo ziliudhuria onyesho hilo ni Five Star, TOT, East Africa Melod na Mashauzi Clasc
Baadhi ya picha enzi za uhai wake
Akitaniana na mtangazaji wa Clouds Tv, Sakina Lyoka
Akipiga ngoma
INNA LILAHI WAINNA ILAIHI RAAJIUUN.
Tags
HABARI ZA WASANII